Hansi en där Kirke

unbekannter Autor 

Hansi, en Jöngske soa fiir of fiif Joor ault, dörf et eastekear sunndaachs met enne Kirke. Ees he noheim koam, frööch öm di Bäästemooder, wat he dän alles cheseen hat. Chlicks fing he aan te vertälle:

Do woar en chroat Huus, chants völl Lüüt. Op einmol schellt et. Vöare cheit en Döar open, kommen et easten twea kleine Kääls un dan eine chroate Kääl, allemoole bount aanchetrocke. Dä chroate Kääl heet en schwatte Kappen op. Se kumme vöaren an en chroate Trappe, sät dä chroate Kääl sinne Kappen aaf un chef se däm kleine Kääl. Dän dreech se fott.

Van där Kappen ös niks meahr te sehne.

Nou stount se anne Trappe, do frööch dä chroate Kääl:" Häwwe chit minne Kappe ne chesehne?" (Kiek noo räächs erouner.) "Häwwe chet minne Kappe ne chesehne?" (Kiek noo links erouner.) Di kleine Kääls sägge: "Nä, wei häwwe dinne Kappe nee chesehne."

Dann böck sech dä chroate Kääl un ssök di Kappe, mär se feine se allemole nee. Dan cheit dä chroate Kääl di Trappen erop föar sonne chroate Kaaste, schleit en chroat Book op un wel kieken, op do schteit, wu sinne Kappen ös. He schokelt dän Kop, drait sech öm un frööch hatt alle Lüüt:" Häwwe chet minne Kappe nee chesehne?" Un di Lüüt sägge: "Nä, wei häwwen dinne Kappe ne chesehne!"

Dann kiek he noch ees en däm Book no, un dan cheit he en Trappen hoach un höilt en Kall. He kiek alle Lüüt chenau aan uns seet:" Chitt dörwent ne leege, chitt dörwent aunere neks fottneeme und chitt dörwent ouk keine Kappe klemme!" Un di Lüüt sint chants still. Nömmes seet watt van där Kappe.

Dann schick he di kleine Kääls fott. Se sölle sammele föar en nöie Kappe. Di Lüüt cheewen ouk watt doföar. Mer dän chroate Kääl ös ömmer noch nee tefreie. Di kleine Kääls mööte nou schelle, un allemoole mööten erounerkiike ouner de Bank, op se ne di Kappe feine. Draachterheer mak he sochaar dän Kaasten oopen un kiek erin un föölt erin, op do di Kappe ne ös. Dann dreiht he sech noch ees no di Lüüt öm und seet:" Di Kappen ös ömmer noch nee do." Un die Lüüt säggen:"Wei häwwe se bestimmp nee chesehne!"

Un dann cheiht einer van di kleine Kääls fott, un dan häwwe se op einmool di Kappe.
Dä chroate Kääl sät die Kappen op un cheiht met di kleine Källs fott.
Mär dat Cheild häwwen di Lüüt nee wier chekreege.  

aus: Bertzky, Märchen und Geschichten, hochdeutsch-platt (RD=Rheinische Dokumenta)