Wä nou duar Mölmsche Stroote che-iht

Wä nou duar Mölmsche Stroote che-iht,
Höat Mölmsche Pööste ssinge!
En äächtem Mölmsche de-it et le-id:
Et will nee rääch gelinge!
Dä Aanfang üss wahl nett un chutt...
No´m E-ind tu ka´me´t höare,
Wi-e uss Mölmsch Platt doch lie-e mutt
Wäm diat dat wahl nee stöare?

Dat aule Ssinter-Mätes-Leed
Heet völ an Klang verlore!
Wenn me dat "Chrubbel-Chrabbel" ssüht,
Wäd me wier jung an Johre!
Dat künne Mölmsche Pööste noch,
ssich balgern op der Stroote...
Völ netter wüar et eewer doch,
Köin me ssich drop verloote,
Dat wier dat Leed gessunge wö-öd
Wi-e we-i et ees gessunge,
Uss Moodersprook küam wier in Wäät
Eah dat das Leed verklunge!

Ees we-i noch trocke Huus füar Huus,
Minsch, wuar je dat en Leewe!
We-i Pööste tackten dückes uss,
Wenn ümmes chreep derneewe!
Ke-in Stroote wuar tur Tiet belööch,
Mooß fööhle meahr ees ssöke,
Merr loag me drin, dann wo-od gefrutt,
Die Kloumpe vol Schlammpampe,
Dat me wier chau do koam herut...
Derhe-im dann be-i der Laumpe
Wat schloog uss Mooder füar en Kraach:
Der Döiwel ssall je hoole,
Dou Schinnoos, höilte Dunnerschlaag
Büss schwatter noch ees Kohle!

Merr wat we-i mit no he-im gebraach:
Fuul Meespelde, Kastaie...
Dat wuar blos füar dän easten Schmaach,
Drüm diaden we-i hadd schreie
Dat aule "Ssinter-Mätes-Leed"
Va vöare büss no achter,
Un trocken dückes stundenwiet,
Büss dat we-i koamen draachter:
Die chudde Frau, die chif uss wat,
Un pack nee chau derneewe,
Un ouk dä rieke Mann we-it dat,
Drüm ssall he rääch lang leewe!
Wä nou duar Mölmsche Stroote che-iht,
Höat Mölmsche Pööste ssinge!
En äächtem Mölmsche de-it et le-id:
Et will nee meahr gelinge!,
Höat Mölmsche Pööste ssinge!
Dä Aanfang üss wahl nett un chutt,
No"m E-ind tu ka´me´t höare,
Wi-e uss Mölmsch Platt doch lie-e mutt-
Wäm diat dat wahl nee stöare?

aus: Schwattkop van Dümpte, 1955