Die Entstehung Saarns

In auler Tied, vör dusend Johr,
as Saan noch lang niet Großstadt wor,
logen Herr un Knech un Frau un Puht
gemäcklich op der Bärenhut.

Et wohnde hie en bottes Korps
dat so halb Katt, halv Sachse wor.
Doch Willibrord und San Suitbert,
die hewen Mores öhr gelehrt.

Am schönsten Platz im ganzen Dahl
do bauden so "Maria Saal",
dat ös de Klostername hie.
Ouk stund en Wertshus dicht derbie.

Dat Bier wor domols brun un gott,
on goff et ouk ne groute Pott.
Do drunk sech jeder freschen Mut,
un dütsche Treu, die starv niet ut.

Vör Telefon un Ferngrafie
do stongen zwar kein Pöhl noch hie
doch deiht en Hoon vam Ur ouk wohl
desselben dienst wie jezumol.

Ouk wor kein Poß of Iserbahn
un ouk kein Strotelöch in Saan.
Doch Sonn un Moon woren domols neu,
de Luff van Damp un Newel frei.

Kein Strotebahn, Veluzipee
verhonzten do noch de Schossee.
Doch beter wour et dorüm doch,
me hatt`för alles Tied genog.

Wie randen do en Johr un Geld
wie nöu de Zuckerwaterwelt.
Wä dach an Angsröhr, Brell un Frack?
Me schmokde gemäglich Strangtabak.

Doch well wei gestohn gewiß,
dat manches nou völl beter ös.
De Dreck, zum Beispiel, wat e Glück,
leit op de Stroht mer halv so dick.

Wä hätt ok je dervan gedrömp,
dat Gas un Waterleitung kömp!
Et fehlt noch, dat wei einen hedden,
op`m Markt en Denkmool optesedden.

O, Saan, am grünen Ruhrgestad,
wo Treu noch wohnd un gudde Ahht,
wo Falschheit noch Verbrechen ös,
weiß selwes nitt, wie schön du böß! 

Worterklärungen:
bottes Korps (sprich Koor) = rauher Kriegerhaufen, Katt = Chatte (Germane), Willibrod = Bischof von Utrecht (*658), Suitbert (+713) Missionar in Kaiserswerth begraben, Hoon vam Ur = Horn des Auerochsen, Strotelöch = Straßenlaterne, Angsröhr = Zylinderhut

aus: "As Saan noch lang nit Großstadt wor" Edition Werry